E lei leva nei ona faalauiloa mai se tasi o ituaiga fou o le taavale o le Tesla, taavale ia ua alu i le eletise, ae o lea ua agiga le valaauina mai o le toe faafoi atu ona o nisi o tulaga tau le saogalemu e ao ona faamautuina.
E silia ma le 500 taavale o le ituaiga fou lea o taavale eletise i Ausetalia lea ua valaau mai le toe faafoi atu, le ituaiga o le Tesla Model 3.
Na amata taunuu mai ituaiga fou ia i Ausetalia i le masina o Tesema ma ua ta’ua i nisi lipoti o le fetuunaiga o nisi vaega i totonu o le taavale e mafua ai le toe valaauina ina ia faamautu le saogalemu.
O loo tumau pea ona avea le Tesla ma ituaiga taavale eletise sili i Ausetalia ma ua silia ma le 17 afe taavale o le ituaiga lea o le Model 3 e pei ona faamaonia mai e le Federal Chamber of Automobile Industries.
