Ua toe valaau mai nei e le kamupani taavale o le Hyundai le toe faafoi atu o nisi o ana taavale ona o popolega i se faaletonu ua ta’ua mai o le faafuasei ona lusi le malosi e alu ai le taavale, loss of power. 

Fai mai lipoti i le asō o ituaiga taavale e aofia ai le Santa Fe, Kona, i30 N Sedan, Sonata mai le 2020 i le 2022 ua toe valaauina uma e le Hyundai Australia.

Fai mai e 7,237 taavale o loo aafia i i le faaletonu lea ma e tatau lava ona toe faafoi atu, ua ta’ua o se faaletonu i le faapolokalameina o le aveina o le taavale, le fail safe driving issue lea e iai le faaletonu.

E manatu le vaega o felauaiga o faaletonu faapea pe a saosaoa le taavale e ono tele ai le avanoa e aafia ai i se faalavelave pe lavea foi.