Telē le tupe e toe totogi e le Qantas i ana paaga ona o faasalalauga taufaasese.
O le a toe totogi e le kamupani vaalele a le Qantas le 20 miliona i ana paaga ona o faasalalauga taufaasese mo faigamalaga ua mae’a ona faatulaga e faalēaogāina i le vaitau o le pepesi tele o le koviti aemaise o le lē logoina o pasese i se taimi talafeagai i le faalēaogāina o ia faigamalaga.
O le folasaga mai le kamupani vaalele faapea le ACCC ua faailoa ai lea faamatalaga i le asō ma se isi maliega e toe totogi le 100 miliona o le faasalaga civil penalty pe a ioeina mai e le faamasinoga.
O le tausaga na te’a nei na ave ai i le faamasinoga le mataupu lea faasaga i le Qantas o loo feta’ua’ina ai o le va o Me 2021 ma Iulai 2022 na faasalalau ai e le kamupani vaalele ni pasese mo le silia ma le 8 afe o ana faigamalaga ua faalēaogāina.
Puna o Faamatalaga: https://www.9news.com.au/national/qantas-to-repay-20-million-dollars-to-customers-advertising-cancelled-flights-covid-19/d9014d35-b294-4f36-aad4-ba5098c70953
