O le a toe tipoti i Saina le alii na faafoeina le pasi na tupu ai le faalavelave na mafua ai le maliliu o tulisi e toalima. E toafa tagata matutua ma se tamaititi na uma soifua I le faalavelave lea I le state highway 5 lata I Ngatira I Rotorua ile tausaga 2019 peitai o lea faatoa lauina le iuga.
Ole avepasi o Junwei Zhang na tuuina iai le faasalaga e fa ma le afa tausaga e nofosala ai I lona aiga ma faaleaogaina lona toe aveina o se taavale mo le 18 masina ina ua ia tautino ile avetaavale faatamala ua mafua ai le maliu ma moliaga ole avetaavale faatamala ua mafua ai manuaga.
O le aso ua faailoa mai ai le faaiuga mai le Immigration and Protection Tribunal ua alaga tatau ona toe tipoti atu Zhang I Saina.O loo talosaga le o loo aafia I le Tribunal ole toe tipoti o ia I Saina olea le talafeagai ma o se faaiuga ogaoga mo ia ona o lona aiga o loo aumau I Niu Sila mo le silia ma le lima tausaga.
Fai mai a ia o lona atalii e 10 tausaga e le mafai ona faitau pe tusitusi foi I le faa saina ma e nao sina gagana Mandarin laitiiti e silafia ma o le a matuai faigata ona toe fetuunai le olaga I Saina.Taua ile lipoti o loo mafai pea ona aumau le toalua o Zhang I Niu Sila seia uma le aoga o le visa o lana tama I le 2023.
E tolu masina le umi o se visa le tumau ua tuuina ele tribunal ia Zhang e tapena ai mo le agai ese ma Niu Sila.
