Ua toe sui le mafaufau o le malo ma toe teuteu ai tuutuuga o le suiga lea e amata maua ai e fanau 2 tausaga le 20 itula maua fua mo Aoga Amata.
O le paketi a le malo i le tausaga lenei o loo sau ai le faalautele o le 20 itula maua fua mo early childhood education mo le ta’i lua tausaga ae lē o le tolu tausaga e pei ona iai nei.
Peitai, o se tala fiafia mo mātua ae e lei faigofie mo Aoga Amata ona o le aiaiga na faapipii mai ai e tatau ona na o le 20 itula lava e lesitala ai le tamaititi.
O le leai o se saolotoga mo Aoga Amata e mafai ai ona lesitala le tamaititi i le silia ma le 20 itula i le vaiaso, o se faiga ua fai mai ai ma aoga o lona uiga e gau ma i latou.
Mai le Palemia ananafi Chris Hipkins, ua toe aveese nei lea aiaiga.
Ae i saunoaga a le minisita lagolago o aoga Jo Luxton, e lei mafai ona talanoa le malo ma aoga i taimi na fau mai ai lenei tulafono ona o le faaeteetega ia malupuipuia talanoaga o le paketi.
