O lea ua toe tatala se tasi o magaala i Aukilani i le faaitu o New Lynn lea na tupu ai se faalavelave i le taeao analeila.
Ua lipotia e le One News o le faalavelave i luga o Portage Rd na lipoti ane i leoleo i le vaveao poo le ta o le 3 ma e aofia ai ni tagata se toalua e masani.
Na lipotia na mafai ona aveese le isi tagata mai le tuatusi lea sa iai uma le toalua ae o le isi sa iai pea lava i lea nofoaga ma sa iai foi le vaega faaupegaina a leoleo.
O molimau a nisi e aumau i lea faaitu ua ta’ua ai na o latou faalogoina ma vaaia leoleo o faaaogā le masini faaleotele leo e valaau ai i le tagata sa i totonu o le fale ina ia agai mai i fafo.
Sa loka ai loa e leoleo ma le alatele ma toe tatala i se taimi e lei mamao atu, ma e faafetaia ai le fesoasoani ane ma le onosai o le komiuniti a o faagasolo le latou galuega.
Ua faailoa mai la e leoleo o le a iai pea malu o le malo i le tuatusi lea i le asō mo le faaauauina o suesuega.
O loo faatalia se lipoti lata mai o lea faalavelave.
