Ua faailoa mai o le Aso Faraile nei o le a toe tatala ai le matafaga i Muriwai i Aukilani i tagata lautele.
Talu mai le afā o Gabrielle i le masina o Fepuari o lea na tapunia ona o le lē saogalemu aemaise o galuega toe faaleleia.
O le itula e 6 i le taeao o le Aso Faraile e toe tatala ai le matafaga, peitai e iai nisi o auala savali faapea ma auala taavale e le o mafai lava ona tatala i le taimi nei ma o le a faaauau ai pea ona tapunia ona o le lē saogalemu.
O auala nei ua fai mai le Auckland Council e le o toe mamao faailoa mai se aso e tatala ai.
