O le masina fou lenei o Aokuso ua faasavali ai le galuega a le ofisa o le komisi o faigapalota, mo le lesitalaina o tagata palota o itumalo faapalota o Vaa o Fonoti, Faleata 4, ma Siumu a o lumanai ai palota laiti a ia itumalo palota.
O le amataga o lenei vaiaso na faasilasila ai e le ofisa o le komisi o faigapalota le toe tatala o lola palota a ia itumalo e tolu mo le lesitalaina o tagata palota ua aulia le 21 tausaga o le soifua, faapea ma le liliuina o palota.
E pei ona silafia ua avanoa nei nofoa o ia itumalo faapalota ina ua faamavae ma le vaega faaupufai e puipuia aiātatau a tagata sui faipule sa lesitala ma lagolago i lea pati faaupufai, le tofa Ale Vena Ale, Tu’uu Anasii Leota, ma Mau’u Siaosi Puepuemai.
