Ua faamaonia mai e le Palemia o le atunuu o le a toe faaauau le aveina atu o le taumafa o le ula i Saina i le faai’uga o le tausaga nei.

O le saunoaga lea a le Palemia na faia mai i Laos lea o loo iai nei i le ASEAN Summit i le mae’a o le la talanoaga ma le Premier o Saina o Li Qiang ina ia aveesea sā sa i luga o le ula.

Fai mai Albanese o le onosa’i lava e fai ai ae ua faailoa foi i lipoti a le 9News o le toe tatala la lea o maketi i fafo mo le ula mai Ausetalia e lē taumate o le a siitia ai foi ma le tau auā o le a tele le mana’oga mo le taumafa mai maketi i fafo.

O se tala fiafia tele lenei mo i latou o loo feagai ma le auaunaga lea o le aveina atu i fafo o le ula. 

Puna o Faamatalaga: https://www.9news.com.au/national/china-australia-rock-lobster-trade-ban-lifted-prime-minister-anthony-albanese-asean-summit/41250686-2b52-4292-9f49-0161cddd44b2