O le faipule o le Green, o Golriz Ghahraman lea na tuuaia i le gaoi i se tasi o faleoloa i Aukilani, ua toe taliu mai i le atunuu mai sana malaga i atunuu i fafo.
E oo mai i le taimi nei e lei faia lava se faamatalaga a le faleoloa o le Scotties Boutique i le mataupu lea ina ua fesilligia e le aufaasalalau ae faapea foi leoleo ae ua iai ma isi lipoti o loo maua i faamatalaga o se tasi foi faleoloa na gaoia.
O se sooupu a le Green na ia faamaonia ane i le RNZ o lea ua taunuu mai Ghahraman i le atunuu.
O le vaiaso talu ai na faailoa ai e se sooupu a le Green le faasee ese o le faipule mai ona tiute faapalemene mo le taimi nei a o suesueina tuuaiga.
