O nisi mataupu sa lotea i le faamasinoga faalotoifale i Niu Sa Uelese faatatau i faasalaga sa faamatuu atu mo le vaitau o le faamai Koviti-19, ua toe iloiloina nei ina ua mae’a faailoa mai se faaiuga a le faamasinoga maualuga e lē aogā ia faasalaga.
O le masina nei na lomia ai foi e le faamasinoga maualuga mafuaaga o lana faaiuga na faia i le mataupu.
Ua faailoa i le 9news o le mataupu lenei ma le faaiuga na faia iai ia Novema talu ai, ua toe aveesea uma ai foi ma isi faasalaga e 33,121.
O loo ta’ua i se faamatalaga tusitusia i luga o le latou upega tafailagi, o loo faia le latou iloiloga i le taimi nei i nisi mataupu ua aafia i le faaiuga e pei ona tuuina ane.
