Ua toe saini le alii o Tupou Vaai i le lakapi a Niu Sila seia oo i le 2025.
O Vaai na muai filifilia i lana taaloga faavaomalo i le 20 o ona tausaga i le taaloga a Niu Sila ma Ausetalia i le 2020.
Taalo mo le Chiefs ma ua filifilia nei i le ‘au a le All Blacks mo le malaga i Iapani ma Europa i le masina fou.
Fai mai le faiaoga ulu o le All Blacks, Ian Foster o le toe saini o Vaai i le ‘au o se tala fiafia lea a o faaauau i pea ona faamautu lona tomai i le taaloga mo le faamoemoe o le Ipu o le lalolagi i le lakapi i Farani.
Na faaleo e Vaai le lagona o le loto maualalo ma le faafetai i le faaauauina o lana malaga faatasi ma lana au ma faamoemoe i se tulaga manuia i le agai i luma.
