O le uigi a le All Blacks, Mar Telea, 26 tausaga ua lipotia mai i le aso ua toe saini i le NZ Rugby ma le Auckland Blues mo leisi 2 tausaga. Sa ia mauaina le faailoga o le Most Valuable player i le Blues ae silafia foi e le toatele le malosi o lana taalo e le gata i le kalapu ae faapea foi i le au a le atunuu.
Na uluai ulufale Telea i taaloga faavaomalo i le tausaga talu ai ina ua agai i le tour mo le Northern Hemisphere na maua ai ana sikoa e lua i le taaloga ma Sikotilani.
E mae’a ae foi taaloga a le Blues i le Super Rugby Pacific ua faaiuiu nei, ua tulaga lua Telea i tama taalo e aupito tele sikoa i le taamilosaga o le Super Rugby 2023.
