Ua faailo le uluai tama taalo ua saini nei e le faiaoga o Eddie Jones mo le Wallabies i le agai atu i le 2027.
O le alo o Samoa o Allan Alaalatoa lea ua faailoa mai i le 9News i le asō ua saini nei ma toe faaopoopo lana konekarate ia Ausetalia ma le Super Rugby.
Fai mai le lipoti o le a avanoa ai foi mo le malaga taamilo mai a le British and Irish Lions i le 2025, o se uluai malaga taamilo mai lea i Ausetalia talu mai le 2013.
Faailoa e Allan i se faatalanoaga ma le televise ua fiafia ua toe faaauau lana taalo i le lakapi a Ausetalia aemaise o se avanoa foi mo ia ma lona aiga i Canberra aemaise o lana kalapu le Brumbies.
O le tausaga na tea nei na maua ai e le alii o Allan le faailoga o le Tama taalo o le tausaga a le Brumbies mo le faatolu ai lea o taimi ma sa mauaina foi lana pine lona lua e faaigoa o le RUPA Medal of Excellence, o se faailoga e palota uma e tama taaalo a Ausetalia i le Super Rugby.
