E 64 fale o aiga Tairawhiti na aveesea faamalosi mai ananafi a o toe lapatai ai timuga mamafa mo Gisborne ma Coromandel.
I se lipoti mai le ofisa o le vaaitau, o lapataiga o timuga mamafa lanu moli lea ua toe iai mo Hawke’s Bay, ae o Aukilani, le itu i Matu o Waikato, le itu i Sisifo o Bay of Plenty ma Wairarapa, o loo faatumau pea iai lapataiga o timuga mamafa.
Mo aiga ua aveesea mai o latou fale, o se faaiuga na faia ona o le popolega ina ne’i toe pa le vai ma aafia ma o le taeao nei e faasolo atu i le afiafi ananei lea o loo sau i ripoti e toe mamafa ai timuga i vaega nei.
E le o faigofie i aiga faapea tagata galulue a o iai i galuega faamamā.
