Ua maea suia le tulafono e aloaia ai e Niu Sila isi tui o le Koviti ese mai le Pfizer
O le vaiaso talu ai na sau ai tala o le talanoaga a le kamupani vaalele a le Ea Niu Sila ma le malo e saili se fofo ona ua aafia ai nisi o ana pailate na faia tui i atunuu i fafo e faaaoga ai le vailaau a le Janssen, peitai e le o mafai ona faafaigaluega i Niu Sila ona e le o taliaina iinei le Janssen
O le Janssen e ui o lea ua talia e le Medsafe, peitai i lalo o le silasila a le malo e le o aloaia o se vailaau mo tagata galulue I tuaoi
I ripoti a le TV1, e ui e le o tele se tala mai le soifua maloloina faapea le kamupani vaalele, peitai o lea ua maea toe faaopoopo le puipui fou i lalo o lea tulafono ma ua aloaia ai nei vailaau a le AstraZeneca, Moderna ma le Janssen
O se suiga ua toe mafai ai nei ona felelei pailate a le Ea Niu Sila sa le mafai ona galulue ona o le ese o le vailaau na faia ai o latou tui o le Koviti
