O le fale o se aiga i Faatoia na maua muamua foi i se osofa’iga a leoleo o loo faafailele ai faiga solitulafono i fualaau o laau ma pauta faasāina, na toe osofa’i e leoleo i le Aso Tofi na te’a nei, ma toe maua foi iai le ‘aisa ma laau faasāina.
E to’afā ni taulelea na pu’eina ma o loo taofia i le vaaiga a leoleo ma o i latou ia sa maua i le fale lava lea i le osofa’iga lea a leoleo. Na maua ai e leoleo ma ni laau malosi e faatagaina i Samoa peitai e leai ni pemita e faataga ai faaletulafono ona umia ia laau malosi e lua.
O masini komepiuta laiti poo laptops ma o loo masalomia o ni meatotino sa faatau atu e ni tagata e maua ai le ‘aisa le methamphetamine.
O le masina lenei o Aokuso e tutulai ai i le faamasinoga i latou e to’afā ua molia i le umia o ‘aisa, laau faasāina ma paipa e fesoota’i i le faaaogāina o ia pauta faasāina.
