Ina pepese Aleluia ua fanau le tupu! Ua lata mai le aso e faamanatu ai le fanau mai o Iesu, lo tatou Alii Faaola. Le pepe o le Kerisimasi. Amata nei loa le taumafaiga, e faagata i le aso 20 o Tesema. O le a faia le se’i i le aso lava lena i le 10 i le taeao. (faitau manino aiaiga)

Toe lua aso tapunia avanoa e faaulu mai ai finagalo

May 29, 2024
Niu Sila
Tusia: Staff writer

Ua toe 2 nei aso ona tapunia lea o le avanoa e faaulu ai finagalo e lagolago i le pili taufaaofi i le Palemene o Niu Sila a le alii faipule ia Teanau Tuiono, le Restoring Citizenship Removed By Citizenship (Western Samoa) Act 1982 Bill, poo le tulafono taufaaofi e toe faafoi mai ai le sitiseni Niu Sila o tagata Samoa sa aveese faafuasei e Niu Sila i lana tulafono Citizenship (Western Samoa) Act 1982.

ORAL SUBMISSIONS (FINAGALO TUUFOFOGA)

O le manaoga tele o loo iai i le taimi nei o le faamautuina lea o i latou e mafai ona faaalia o latou finagalo tuufofoga (oral submissions) i luma o le soākomiti a le Palemene (select committee) e lagolago ai le pili taufaaofi a Teanau Tuiono.

E tāua written submissions, ae sili atu ai foi le tāua o oral submissions ia lava mai ta’ita’i o Samoa i ekalesia, mafutaga, i latou e iai tomai faapitoa aemaise soo se Samoa e fia saunoa i lenei mataupu:

· Faamolemole e faafesootai mai Teleiai i se taimi vave i le imeli edwin@puni.co.nz pe afai o loo e fuafua e te fia saunoa i le iloiloga a le select committee ona e tatau ona mautinoa ua faaulu lau talosaga mo se avanoa a o lei tapunia i le po o le Aso Faraile nei.

· O iloiloga o finagalo tuufofoga (oral submissions) e faato’ā faasolo i le masina fou poo tua atu pe a tapunia avanoa e faaulu ai submission. O loo lava le taimi e tatou te galulue ai mo lea tapenaga tāua. O le masani e lē silia ma le 5 minute e tuuina mai e le soākomiti e faaleo ai lou finagalo.

· O loo iai le talosaga mo le soākomiti e faia iloiloga e lē gata o Ueligitone i le Palemene, ae faapea foi i Aukilani ma Christchurch mo finagalo tuufofoga a lo tatou atunuu.

· O loo iai le avanoa e talosaga ai mo i latou o loo alala i fafo atu o Niu Sila e talosagaina ai se avanoa e faaaogā ai le zoom poo auala faatekenolosi.

WRITTEN SUBMISSION (FINAGALO TUSITUSIA):

E 3 auala e mafai ona faaulu ai lou finagalo tusitusia:

1) ONLINE SUBMISSIONS

· O le link lenei e faaaogā mo le faauluina o lou finagalo tusitusia: https://www.parliament.nz/en/pb/sc/make-a-submission/document/54SCGOA_SCF_DE208DBC-B2E1-4145-1873-08DB93C62D99/restoring-citizenship-removed-by-citizenship-western-samoa

· E 5 lava vaega tāua o loo moomia: 1) Are you submitting? As an individual OR As an organisation. 2) Do you wish to make an oral submission to the committee? Yes OR No. 3) Contact details. 4) I/We wish to make the following comments. 5) I/We wish to make the following recommendations.

· O faamatalaga nei e fesoasoani mo le faauluina o lou finagalo tusitusia (written submissions): O le vaega 4 e tāua le faailoa manino ai o lou lagolagoina ma e mafai ona tuu iai le faaupuga lenei: I am writing to express my support for the Restoring Citizenship Removed By Citizenship (Western Samoa) Act 1982 Bill, in the name of Teanau Tuiono MP.

· O le vaega 5 e mafai ona e tuuina iai le faaupuga lenei: I urge the Committee to recommend the Bill be supported through further stages in the House.

· O vaega e faaopoopo i le vaega 5 e mafai ona tuu iai le faaupuga lenei: My submission is based on the following considerations: Fairness is at the heart of this Bill. A group of New Zealand citizens had their citizenship recognised and then removed by an unfair law. This Bill is a chance to put it right. Supporting the Bill would correct this wrong within the lifetime of those whose citizenship was removed, and ensure their rights are restored. This Bill provides New Zealand with the opportunity to acknowledge the mistakes of the past and move forward.

· E mafai ona faa-Samoa tali o fesili e 5. E mafai foi ona tuu iai nisi faamatalaga e te manatu iai. O le avanoa lea e faaali ai finagalo aemaise i latou sa soifua ai i le 1924 – 1948.

2) EMAIL SUBMISSIONS:

· O loo faapipii atu le postcard submission na tapenaina e le faipule ia Teanau Tuiono e mafai ona lolomi ma faatumu ona imeli sa’o lea i le imeli a le Failautusi o le Select Committee: ga@parliament.govt.nz

3) POSTCARD SUBMISSION

Mo i latou Aukilani, o loo maua postcard submission i lumāmaota o le ofisa o le Konesula i Aukilani (10am -12pm) i le Aso Lulu ma le Aso Tofi.
Na o lou suafa lava ma lou tuatusi e manaomia.

O le lagolago o loo moomia e Teanau Tuiono o le tele lea o ni finagalo (submissions) e tuuina atu i le soākomiti (select committee) a le Palemene lea o le a o latou iloiloina lenei pili taufaaofi a o lei toe tuuina atu i luma o le Palemene a Niu Sila i lona tolaulauga lona lua.

E faagata le faauluina o finagalo (submissions) i le Aso Faraile 31 Me 2024. O lona uiga e toe 2 aso o loo totoe.
E lua auala e faaali ai finagalo…. O finagalo tusitusia (written submissions) poo finagalo tuufofoga (oral submissions).
Ae mo le toatele o lo tatou atunuu, aemaise i latou i Samoa ma isi vaega o le lalolagi; o loo i lalo faamatalaga ma le link e faaaogā mai ai le submission online.

· O loo i lalo le link o loo iai faamatalaga uma mai le Palemene o Niu Sila mo le silafia: https://www.parliament.nz/en/pb/sc/committees-press-releases/have-your-say-on-the-restoring-citizenship-removed-by-citizenship-western-samoa-act-1982-bill/

· O loo faapipii atu le link o le feiloaiga a Samoa potopoto i Aukilani ma Tuiono: https://www.facebook.com/share/v/rALM1Vr2MoxbYkDT/?mibextid=w8EBqM

· O loo faapipii atu foi le video o le tolaulauga a Teanau Tuiono i le iloiloga a le soākomiti. E manatu e aogā tele mo i latou o loo fuafua mo finagalo tuufofoga: https://vimeo.com/showcase/10758255/video/941425603

E mafai lava ona tatou fesootai atu ia Teleiai i le telefoni (021) 618-042 pe a iai ni faafesili. Faamolemole e faasoa atu (share) nei faamatalaga o loo tuuina atu mo le manino o o tatou tagata i lenei mataupu.