Ua toe faamatuu mai se isi lapataiga e faatatau i le Japanese Encephalitis faapuupuu (je) ma ua faailoa o le a telē sona lamatiaga i tagata i le taimi o malologa o le Eseta aemaise lava i le itu i Saute i Sasa’e o Ausetalia e pei ona faamanino i le lipoti.

O i latou i le faaitu lea ua lapataia mai e fomai o lea tulaga e ono aafia ai se vaega tele o tagata i vaega o loo pepesi ai ma o se tulaga lea ua maua i suesuega fou sa faia.

O loo fautuaina tagata o loo aumau ma asiasi i le itu i Matu o Vitoria e latalata i le Murray River e ao ona faaeteete ma sauni foi mo puipuiga.

Fai mai le suesuega, mai ia i latou o loo aafia i le gasegase lea o le a iai tagata e faateteleina ai le gasegase ma iu ina aafia ai i ni aafiaga tau le mafaufau.

Saunoa le isi sa tusiaina lenei lipoti o le polofesa lagolago o Deborah Friedman, o le iloiloga na faia ua faamalosia ai le manatu o le JE poo le Japanese Encephalitis o se gasegase e mafua mai namu ma e telē sona aafiaga ma faamata’u i le soifua o tagata i vaega uma o Ausetalia.

O le faamanatu ua tuuina mai afai o faimalaga i nisi nofoaga i lenei Eseta,  ia malupuipuia lou tagata mai namu.