Ua aveeesea mai nisi o aiga mai nisi vaega o le pitonuu e igoa o Lismore I Niu Sau Uelese lea na matuai ogaoga aafiaga I lologa I se taimi e lei mamao atu peitai o lea foi ua toe lapataia i lologa ma timuga tetele I le aso.
E fai si tele o poloaiga tau le saogalemu ua tuuina mo tagata I lea faaitu ao faaauau pea ona toulu timuga mamafa mai lava I le aoauli o le aso ananafi e oo mai I le taimi nei.
Mai Kuiniselani seia oo mai I Sini o loo iai lapataiga ma ua lipotia foi le maua ai o le tino maliu o se tasi tama na tafea I lologa I Kuiniselani I le po anapo ae faatoa maua I le taeao analeila.
Ua lipotia foi le tapunia faamalosi o nisi o aoga I faaitu lalata ane mo le saogalemu. O le faamatalaga mai le vaaitau o le a faaauau pea uiga louloua ia ole tau ma lapataiga o loo iai mo vaitafe aemaise lava I le itu I matu o le setete.
O loo lapataia foi Sini I lologa aemaise storms e ono aafia ai.
