O galuega o le tausaga nei a le Komiti o le Palola o loo iloiloina talosaga mai le aunofosala i le falepuipui mo ni avanoa e faamuta ai le tuliina o faasalaga, o le a toe iloilo ai le talosaga mai se tasi o pagota, le susuga Lema’i Faioso Sione pe talia ai le magalo i le palola.
O Lema’i o loo tuli lona faasalaga i le solitulafono o le taupulepule e faaoo le maliu i le susuga Tuilaepa Lupesoliai Sailele Malielegaoi a o avea ma Palemia o le atunuu.
O se moliaga matuiā sa molia faatasi ai ma Malele Atofu Paulo ua magalo nei i le palola e pei ona faailoa e le Ofisa Sili o le Matāgaluega o Faamasinoga ma le Faafoeina o Matāupu Tau Faamasinoga, o le fono a le Komiti o le Palola ia Tesema o le tausaga ua mavae na faia ai lea faai’uga.
Le Ofisa Sili o le Matāgaluega o Faamasinoga ma le Faafoeina o Matāupu Tau Faamasinoga, susuga Papalii John Taimalelagi Afelē.
