Na osofaia e le augaoi le pamu penisini a le Mopili i Magele i Aukilani i le taeao nei.

O le tea o le itula e 3 i le vaveao lea na tali atu ai leoleo i le osoaiga lenei i Massey Road, ma i lipoti a le Herald o se taavale gaoi foi lea na alu atu ai lenei osofaiga, ma na sosola ae tia’i i le pamu.

O faamalama tioata lea na tatae e le augaoi ae ulufale ai i totonu o le faleoloa.

O le faafā ai lea ona gaoia ma faaleagaina le pamu penisini lava lenei.

E lē o mautinoa poo ā oloa na o ma ave, ae i ata na maua mai i lipoti o loo iloa ai le tele o le apa Red Bull o loo fola solo.