Faateia faasalalauga sau I tua anapo mai le ofisa o faigapalota, o lea o loo toe galulue vave e faasao faaiuga aloaia o palota na sese ona faamaumau.
Mai le ofisa anapo e le o se fuainumera tele ma e le tele sona aafiaga I palota mo pati aemaise o le aotelega o le faaiuga o le palota a le atunuu.
O le sasi o le ofisa na faamaumau sese ai le faitau selau palota mo pati na faia I fale palota e lua I Waikato ma le tasi fale palota I Ilam, ma o se tasi o fale palota o lea sa tatau ona alu uma le 505 palota agai I le National.
Ua faatoese ai ma le komisi o faigapalota I le le iloa o lea faaletonu I taimi na toe faia ai siaki mulimuli ae e le I faailoa faalauaitele mai I tua le iuga aloaia o le palota.
O le maua ai o le sese ona faamaumau faaiuga o palota mo pati, ua fai mai ai ma le komisi o lea ua toe vaavaai I palota maua mai fale palota taitasi pe iai nisi e le I sa’o ona faamaumau.
