Ua iai le fuafuaga a le Malo e toe faatalanoa le matāupu i le goto o le manuao o le fitafita o le sami a Niu Sila i gataifale o le itumalo o Safata, i ni feiloa’iga i le va o ta’ita’i o lea malo ma le Palemia o Samoa.
Ua faailoa e le ta’ita’i o le tatou malo le afioga i le Palemia susuga Laaulialemalietoa Leuatea Polataivao Fosi Schmidt i le polokalame o le Tanoa Ava a le Radio Samoa i le Aso Toonai na te’a nei, o ia feiloa’iga o le a silasila ai i nisi o vaega tāua e ao ona silasila mamao iai i ni aafiaga o le gataifale o Safata faapea ogasami tau lalata iai o isi itumalo.
O le sefulu miliona o le taui ua taoto i le tala faatatau autū o le tupe o le a faasoa i nuu uma o Safata.
Le Palemia o le malo o Samoa susuga Laaulialemalietoa Leuatea Polataivao Fosi Schmidt i le polokalame o le Tanoa Ava a le Radio Samoa e pei ona sa faatalanoa ai e le sui faasalalau sinia o lea auaunaga tau leitio i Aukilani Niu Sila, susuga Leiataua Savea Al Harrington Lavea.
