Ua toe ulufale i le Aso Lulu o lenei vaiaso i taualumaga a le fono aoao faitulafono le ta’ita’i o le itu agai ma le sui faipule o Lepā i le tuana’i o le 24 itula na faasala ai e le fono i le Aso Lua na toe tauaofia ai le fono usu a Samoa, ona sa ia lafo se upu masoā i le Palemia.
O le taimi ua faata’atia ese galuega a le fono i lana malologa o le taeao, na tulai mai ai lea tulaga. Na faailoa e le ta’ita’i o le itu agai le susuga Tuilaepa L Sailele Malielegaoi i auala o fesootaiga a le latou vaega faaupufai o tala na ia faia o upu o suaga .
I le faai’uga a le Fofoga Fetalai le tōfā Auapa’au Mulipola Aloitafua Mulipola na ia faailoa i le Palemene ua sosolo lana faaiuga e faamālōlō mo le 24 itula le ta’ita’i o le itu agai mai le faaiuga na ia faamālōlō ai ma le fono le faipule o Sagaga 1 mai le tauaofiaga a le palemene i le masina o Setema.
