Ua toe aga mai nei mo Ausetalia le Palemia fou, Anthony Albanese mai lana malaga na iai i Tokyo mo le fonotaga a le Quad na agai iai ae na o ni nai itula talu ona faatautoina e avea ma Palemia.
I lea malaga e ui ina puupuu ae na faailoa ai e Albanese nisi fesoasoani faaopoopo mo atunuu o le Pasefika ma faamamafa ai e faapea o le a unaia nisi o gaioiga e faia faasaga i le mataupu i suiga o le tau.
Fai mai le alii Palemia o le tulaga la o iai nei Ausetalia i le mataupu lea i le tala o le tau o loo talia lelei foi e le Quad ma ana paaga. O le Quad e aofia ai Ausetalia, Amerika, Iapani ma Initia.
