E toaititi se vaega o le aufaigaluega a le Les Mills International i le vaega o tekonolosi ma sui o le pulega i lea lava matagaluega, e ono lē toe iai ni galuega.
Ua lipotia e le Herald pe tusa ma le 60 tagata e aafia ai galuega, peitai mai le pulega, e i lalo mai o lea fuainumera ma e lē faapea ua mafua ona o ni aafiaga i tupe maua.
O lea o loo faasolo faatalanoaga i le taimi nei seia oo i le aso 25 o Mati, ma e lē na o Niu Sila o lea e aafia ai foi ma isi lala i atunuu mamao ma e iai nisi o le a fetuunai lava i totonu o le pisinisi.
O i latou nei ua fesiligia le maua pea o galuega o tagata na faafaigaluega e le Les Mills i taimi o le Koviti e faaaogāina ai fesootaiga faaneionapo, peitai o lea o le a toe faafoi i le faiga e faia ai vasega faafesaga’i.
Ua lipotia o le toatele o i latou o le a aafia galuega a tagata o loo i le pulega.
E tusa ma le 650 tagata faigaluega mo le Les Mills International, ma o le ‘afa o i latou nei e galulue i totonu o Niu Sila.
