O le afioga Fuimaono Dominic Faatoialemanu Tufuga Schwalger na uluai filifilia i le tausaga e 2021 e avea ma faauluuluga poo le Ofisa Sili o le pulega o le suavai o se tasi o auaunaga tuma’oti a le Malo.
O lea ua toe ave iai le faatuatuaga o le Malo na te tauaveina ai lea tofiga ina ua faamaonia e le Kapeneta lona toe valaauina e avea ma Ofisa Sili.
O se tamalii sa a’oa’oina i le kolisi o Sagato Iosefo ma o loo ia umia faailoga maualuluga i tomai faainisinia mai le Iunivesite o Aukilani, ma o se sui o le faalapotopotoga o tama ma teine tuai o le Malisi.
O lona faletua le afioga Galumalemana Leoititi Agnes Tutuvanu Schwalger sa avea ma Ofisa Sili o le Pulega o fela’ua’iga i le laueleele i ni tausaga ua mavae, ma ua faasee tuagalu ina ua faamavae ona o nisi o fuafuaga faaleaiga.
