E telē le gau a le Waka Kotahi ma ua ua toe tau fetuunai ai nei galuega ma poloketi e faamuamua.
E $600 miliona le gau a le pulega ma o le faaleleia o auala ma femalagaa’iga lautele isi itu o le a le mafai ona taunuu uluai fuafuaga na faataatitia ona ua le tutusa tupe maua.
O se tala mai lea na sau ma le imeli a le pule sili ia Nicole Rosie e pei ona tuuina atu i pulenuu, ma a fua i fuafuaga mamao sa faapea e oo iai toeitiiti faaluaina tupe maua pa’ū talu mai le masina o Aperila lea na muai fai mai ai le matagaluega o tupe e $350 miliona.
O le isi mafuaaga o le pa’ū o tupe maua e mafua lea i le toe fetuunai o poloketi e ave iai le faamuamua ona o galuega faaleleia na moomia vave ona fai ma taofi ai poloketi tetele, e pei o auala na aafia i palapala solo e mafua mai i suiga o le tau.
E ese mai i le pa’ū o tupe maua, o lea foi ua alu i luga ma le taugata o poloketi.
A o faigata ai la i le pulega tulaga tau tupe, o loo mafanafana e mafai lava ona faataunuu poloketi o loo iai nei pau o lea, o le a iai nai suiga.
Ae mo nisi poloketi fou, ua leai mai le Waka Kotahi.
E lei mafai ona maua mai se tala mai le malo pe faamata e maua se fesoasoani mo le pulega e ala i se nonogatupe.
