O Aokuso o le tausaga nei, o le a faatautaia ai le faamasinoga o le susuga i le faafeagaiga o le ekalesia EFKS a Savaia Lefaga o Clay Tofilau.

O le susuga ia Clay o loo molia i moliaga e 5 o lona faaaogāina sese o seleni a le ekalesia, ma lona faia o ni gaiooga taufaasese e faaaogā ai seleni a le ekalesia.

O loo teena e le susuga ia Tofilau moliaga uma a le itu a leoleo.

O lea mataupu o loo ua vaeluaina ai le ekalesia.

Ma i faamaumauga e faapea o seleni o loo tapisa ai o loo masalomia na faaaogā e le faafeagaiga e siima’i atu ai lona faletua mo togafitiga faafomai i Niu Sila ona sa gasegase.

Na faatumulia le faamasinoga i nisi o le ekalesia aemaise aiga ma uo a le faafeagaiga.

O le aso 5 o Aokuso o le tausaga nei o le a iloilo ai e le faamasinoga mau o lea mataupu.