O lea ua toe faasaoloto le alii polofesa Niu Sila ma nisi o tagata Papua Niu Kini se toalua na ave faamalosi e se tasi o kegi i Papua Niu Kini.

O Bryce Barker, ua nofo nei i Ausetalia e faapea o lea sa iai i se tasi o pitonuu tutasi o Papua mo ana suesuega peitai na ave faamalosi ai loa e le kegi ma le tala e totogi atu tupe faatoa toe tatala mai ai.

O Barker o se tasi o alii suesue e maualuga lona tomai ma e maualuga foi lona tulaga i le iunivesite o Southern Queensland.

E lei malolo ai malo o Niu Sila faapea Ausetalia i feutanaiga na faia, ma o se tala fiafia na toe faasoa ai le minisita o le va i fafo a Niu Sila, Nanaia Mahuta i luga o le Twitter ma ia faafetaia ai foi le malo o Papua Niu Kini i lana fesoasoani.