O le feiloaiga a le Palemia ma le autusitala i le asō i Aukilani ua faailoa mai ai e le Palemia le 700 afe o le vaegatupe ua faaagana ane mo fesoasoani i mea na faaleagaina i lologa.
Fai mai le sui Palemia o le minisita foi mo galuega, Carmel Sepuloni i se pepa o faamatalaga latou te lagolagoina galuega toe faaleleia i Aukilani, Waikato, Coromandel, Northland ma le Bay of Plenty ma ua gaioi foi le Enhanced Taskforce Green e fesoasoani i tulaga tau taumafa mo vaega na aafia i lologa.
O le vaegatupe la pei ona folafola o le a agai sa’o i tulaga tau le faamamaina o le siosiomaga aemaise i nai faaitu maotua ma ua faaopopo atu lea vaegatupe i le silia ma le miliona tala Niu Sila sa muai foaiina e le mao i le Mayoral Relief Fund e fesoasoani mo komiuniti i Aukilani.
Faaopopo atu la i le vaegatupe faaopoopo ua folasia i le asō o le a faatinoina foi e le ofisa o tupe maua le Inland Revenue le latou scheme ua faaigoaina Adverse Event Income Equalisation mo pitonuu ua aafia ma o i o le a mafai ai e pisinisi tau faatoaga ona maua foi se isi faamāmā avega i tulaga o le faamauina o tupe maua mai lea tausaga i lea tausaga.
Ua faailo foi e le Palemia o le a feiloai i le aoauli nei ma sui o le Student Volunteer army lea ua ofoina le latou fesoasoani mo i latou o loo manaomia se fesoasoani i le faamamaina o vaega na faaleagaina i lologa.
