E tele faigamalaga a le kamupani vaalele a le Bonza e agai mai malaevaalele tetele o le atunuu ua faalēaogāina e pei ona ta’ua i se lipoti i le asō.
O faigamalaga uma mai le Sunshine Coast sa fuafua e tulaueleele i Gladstone ma Rockhampton i le taeao analeila na faalēaogāina uma aemaise nisi faigamalaga agai mai le malaevaalele i Melepone.
Ua faia lea tulaga i le mae’a ona folafola e le kamupani vaalele o ia suiga i faigamalaga i le atunuu.
Ua ta’ua e amata atu i le masina fou o le a faaitiitia le aofai o faigamalaga mai Melepone i le Gold Coast i le na o le tasi i le vaiaso e pei ona lipotia e le Australian Financial Review, faaitiitia foi ma faigamalaga mai le Gold Coast i Launceston ma le agai i Mt Isa.
Na faailoa e le 9News e iai le malamalamaga ua valaau nei le Shadow Minisiter o Felauaiga o Bridget McKenzie i le Palemia mo se fesoasoani i le kamupani vaalele.
E lei leva ona faalauiloa ma amata le auaunaga a le Bonza ae o lea ua toe faaitiitia faigamalaga ma o loo tālia se faamatalaga mai le kamupani vaalele i le mafuaaga o faaiuga ua faia.
Puna o Faamatalaga:
