Lipotia le iai foi o se isi faigamalaga a le Qantas na toe faafoi i le vaiaso nei ona o se faaletonu technical issue pei ona ta’ua i tala a le 9News.
Fai mai o le malaga mai Perth i Kalgoorlie i le aso ananafi na faamalosia le toe faafoi ae pe ā ma le 100km talu ona faimalaga ma toe foi saogalemu ai i Perth ae faatoa tea le lima i le afiafi.
Faamaonia mai e le malaevaalele mai lea itu o Ausetalia e leai nisi na faamanualia pe o ni faaletonu ogaoga foi i le vaa ma o loo faia nei iai suesuega.
E lei leva atu nei ona auina atu i talafou lipoti i isi foi faigamalaga a le Qantas na toe faafoi uma i le vaega na malaga ane ai i le vaiaso talu ai ae ua faailoa e le faauluuluga o le kamupani o loo lelei pea le auaunaga.
