Ua toe amata solo tetee auaua’i a faiaoga o aoga maualuluga i le mae’a toe teena ai o le isi ofo o totogi mai le malo.
I se imeli mai le Post Primary Teacher’s Association o loo ta’ua ai e le lava le ofo ua aumai ma o lea o le a toe foi e tetee.
O le aso muamua o Iuni, o lea ua leai ai ni aoga a le Vasega 12, Aso Lua o le vaiaso fou e leai ni aoga a le Vasega 10 ma le Aso Tofi aso 8 o Iuni, o le Vasega 9.
O le ofo lata mai ua toe teena e faiaoga e faapea e ui ua iai le faaopoopoga o totogi o relievers e amata mai le tausaga fou faapea faiaoga part time mai le 2025, ae e le o iai se isi laasaga faaopoopo o le totogi e gata mai ai le maualuga o totogi.
O faiaoga o aoga maualuluga ua lua tausaga o leai se siitaga o latou totogi ma o le aso 16 o Mati o le tausaga nei lea na amata tetee mai ai ma o lea ua uma aso faatulaga o tetee mo aai taitasi, ae o lea la ua faasolo i vasega.
