Ua toe amata feoaiga a nisi trains e pei ona masani ai i le mae’a o se faatuai na mafua mai i le afi na sasao ane i le scrap yard i Aukilani i Saute i le taeao analeila.
Atonu sa toatele na molimauina le vaaia o le asu tele mai lea faalavelave i Favona i le nofoaga o iai tino o taavale ua lē toe faaaogāina lea na agai atu iai le toeitiiti 30 o taavale fuimu i le taeao analeila e tapē le afi.
Sa fautuaina ai i latou e aumau lalata ane i le nofoaga ina ia loka faamalama ma faitotoa e alofia ai le mānavaina o le asu mai lea afi.
Na taofia uma ai ma faigamalaga a trains i le taimi lea faatoa ma toe amata tatala i le tea o le 10 i le taeao analeila e ui o loo ua faalēaogāina pea femalagaa’iga aemaise lava i le va o Onehunga ma le Eastern line, na leai foi ni malaga i le va o Penrose ma Puhinui.
O loo faatalia se lipoti mai leoleo i le mafuaaga o le afi ae poo iai foi nisi o aafia ai.
