Ua toe alia’e mai foi nisi lipoti o se tagata o loo taumafai e ave faamalosi ni tamaiti a’oga mai Melepone ma ua lapata’ia ai mātua ma aiga ia mataala i lea tulaga.

O le vaiaso nei ua lipotia mai ai i le a’oga a Caulfield Grammar se tamaitiiti a’oga sa i le fale faatalipasi i le tulimanu o Albion Rd ae aga’i ane le tagata lea i se taavale ma faatonu le tamaitiiti e oso i totonu o le taavale.

Na musu le tamaitiiti ma aga’i i le a’oga ma logo ona mātua, fesoota’i ane loa mātua i le a’oga ma tuuina ane ai ma se lapata’iga aloa’ia i mātua uma e tusa o lea mataupu.

Fai mai le a’oga ua mae’a logoina foi leoleo ma o loo faia nei su’esu’ega.

O se taimi foi e le’i mamao atu sa tula’i mai ai foi nisi tulaga faapea taumafai ai se alii na alu ane i se van lanu pa’epa’e i faaitu o Tullamarine, Blackburn, Doncaster ma Boronia.

Puna o Faamatalaga: https://7news.com.au/news/abduction-attempt-outside-caulfield-grammar-school-sparks-warning-to-parents-in-melbournes-southeast-c-18097412