Tele le pa’ū o le fuainumera o tagata o loo tau sailia pea poo i latou nei e lei maua lava se fesootaiga talu mai le afā o Gabrielle.
I se tala lata mai leoleo i le aso ananafi o lea ua 56, ma o i latou uma nei e nonofo i Hawkes Bay ma Tairawhiti.
E ui o se tala fiafia lea mai le 5,000 tagata na amata sue mai i le amataga, ae fai mai leoleo e le atoa lea tala fiafia ona o nai tagata ia e lei maua lava iai se fesootaiga ma o latou aiga ma ua toe augani mai ai e faafesootai atu le ofisa pe afai ae toe maua.
I totonu o le vaiaso talu ai, e silia ma le 70 leoleo na asia fale o aiga faapea nofoaga o loo faamautu ai tagata ua leai ni fale ona o le sailia pea o tagata o loo sue.
