E toatolu tamaiti ua lipotia i le asō ua atoa iai le toafā o tagata ua maliliu i se faalavelave tau taavale i se taulaga i Niu Sa Uelese.
Na ta’ua e le 7News na valaau ane leoleo i le faalaevlave lea i le fetaulaiga ala i Research Road ma Toorak Road i le pitonuu o Yanco pe ā ma le 7km i le itu i Saute o Leeton.
Na faamatala e leoleo o se taavale na feto’ai ma se pou ma sesee ane ai ma tofu i se vaega o tafe atu ai se vai ma sau i lalo le fale o le taavale i lea taimi.
Sa aofia ai i tagata na iai i le taavale nai tamaiti e toatolu o tama uma, e 10, 11 ma 12 tausaga le matutua ma le tamaitai e 36 tausaga, fai mai leoleo e aiga uma i latou ia.
O le faamatalaga a leoleo na maliliu uma i latou ia e lei oo atu le fesoasoani faavavave ma o loo faia nei suesuega.
