Ua pu’e e leoleo ni talavou se to’atolu ona o le gaoiina o se tasi o faleoloa i North Shore i le faaiuga o le vaiaso. 
 
O le faalavelave na tupu i le po o le Aso Toonai talu ai fai mai o loo feta’uaina na faaaogā ai ma se air rifle, fana ma o le faleoloa lea i Target Rd i Glenfield e pei ona lipotia e le One News.  

Fai mai na faalālā ane le fana lea a o aveesea mai ‘ava malosi mai le pisinisi lea ma fai mai e lua tuatusi na sailia e leoleo i le mataupu lea ma maua iai le auupega e pei ona ta’ua.  

E 14 tausaga o le isi ma le isi e 16 ua fuafua e tutula’i i le faamasinoga o talavou i le vaiaso nei a o le isi e atoa iai le to’atolu e lē o faailoaina le matua ma ua tuuina atu i le Youth Aid.