Ua faia nei se suesuega I l au tapuai I le lakapi I le faaiuga o le vaiaso lea na manunua ai nisi ina ua solo se barrier poo se puipui ile taimi o le taaloga a le Highlanders ma le Blues I le faaiuga o le vaiaso.
O se falematamata le tumau I le Forsyth Barr Stadium I Dunedin lea na tupu ai le faaletonu ina ua solo le puipui ma auina atu ai tagata matamata e toatolu I le falemai mo togafitiga I manuaga.
O lea la o le a faia le suesuega e faamautu ai faamatalaga ile mafuaaga o lea faaletonu ma ia aua nei toe tulai mai. Ise pepa o faamatalaga mai le faauluuluga o le kalapu a le Highlanders Roger Clark faapea foi ma le pulega o lea nofoaga ua faailoa ai o loo silasila ma le totoa I lea faaletonu mo le saogalemu o le au maimoa.
