E toatolu ua lipotia na manunua i se vevesi na tulai mai i luga o le alatele i Sini na lavevea ai ni taavale.
Fai mai leoleo o le lipoti na oo atu ia i latou e faapea e toatolu tagata sa i totonu o se taavale ma le isi taavale na agai atu ai le tagata e toatasi na fai finauga i Restwell St i Bankstown poo le tea o le ‘afa o le 8 i le po anapo.
Na agai ese taavale ia ae feto’ai i le fetaulaiga ala i Macauley Street, ae faamatala foi e nisi na toe feto’ai foi i le magaala lava lea ma agai ese ai loa le taavale lea na le toatasi na malaga atu ai.
O le isi taavale lea na malaga atu ai tagata e toatolu, o latou ia na lipotia le faalavelave i leoleo.
Peitai e lei mae’a ai ii le mataupu, o loo lipotia e le 7News i se taimi mulimuli ane na toe valaau atu ai le latou fesoasoani i se faalavelave i le faaitu lava lea e faapea o tagata e toatolu ia na agai atu i le ofisa o leoleo o loo faaoolima iai ni tagata pe ā ma le toavalu, e taunuu atu leoleo ua leai nisi ae togafitia ai i lea nofoaga na o le toatolu lea e pei ona ta’ua.
O loo sailia e leoleo le fesoasoani a le atunuu i nisi e silafia ni faamatalaga i lenei faalavelave.
