E toalua le pasese e aofia ai ma se tamaititi 11 tausaga le matua ua maliliu i se faalavelave tau taavale na tupu e lata i le tuaoi o NSW ma Vitoria.
E talitonu leoleo o le taavale e foliga na tifa agai i le Murray Valley Highway i le taulaga o Echuca i le aoauli ananafi ma iu ina sasao ane ai se afi.
E 26 tausaga o se tamaitai mai Moama mai le isi itu o le tuaoi, ua faamauina ua maliu ai foi i lenei faalavelave.
O le si ua maliu o si alii 23 tausaga mai lava i Echuca, ma e faapea o ia lea sa aveina le taavale, faatasi ai ma si tamaititi 11 tausaga lea na aveina ane i le falemai ae uma lona ola mulimuli ane ona o le tigaina o manu’aga.
Na ta’ua e leoleo o loo faia suesuega i lea faalavelave.
