E to’atolu ua pu’e e leoleo ona o mea faapāpā na faia i Hawkes Bay ua afua ai le sasao ane o se afi.
Fai mai lipoti lata mai o i latou ia ua faia iai moliaga ma e ta’i 23 tausaga le matutua o le aualii ia e pei ona lipotia.
E tolu afi na sasao ane i togavao i Hawkes Bay i le amataga o le masina ma ua faailoa foi na vaaia le fana ane o se tasi mea faapāpā mai le faamalama o se taavale a o aga’i ane i luga o Hautope Rd ma mafua ai afi na sasao ane i lea faaitu, ma atili faatetele i le malosi o le savili.
E fia faafeta’ia e leoleo tagata lautele na o latou mua’i iloa ia afi ma logoina loa leoleo ma taofia ai le oo atu o ia afi i ni tulaga ogaoga e aafia ai soifua.
I le mae’a la o vaiaso o su’esu’ega ua pu’eina ai loa e leoleo i latou ia e to’atolu ma ua molia i le tulafono.
O taeao ua fuafua e tutula’i ai i latou ia i le Faamasinoga Faaitumalo i Hastings.
Puna o Faamatalaga: https://www.1news.co.nz/2024/09/30/trio-arrested-after-fireworks-allegedly-spark-blazes-in-hawkes-bay/
