To’atele pulenuu ma councillors o loo lagolagoina le suia mai i le 16 tausaga le matua e mafai ai ona palota.
Silia ma le 70 pulenuu, o councillors faapea sui o laulau a fono ua sainia le petition o le a tuuina atu i le Palemene.
O le talosaga lenei o loo tu malosi ai le Make it 16 ma le finau ua oo i le taimi ua tatau ai ona tuu mai i lalo i le 16 tausaga le tausaga e mafai ona palota atoa ai ma amanaia sao o tupulaga talavou.
O le a tuuina atu e le Make it 16 lenei petition faatasi ai ma councillors a Ueligitone ma Porirua.
O se talosaga ua mae’a sainia ina ua sau le faai’uga a le faamasinoga maualuga e mafai ona faia se malelega aloa’ia e faatatau i lenei lava mataupu, ma o se tala fiafia lea i le Make it 16 i le mae’a lē manuia o faamasinoga apili ma isi faamasinoga i le faamasinoga maualuga i tausaga ua mavae.
