Ua iai lipoti i le vaiaso nei ua ta’ua ai le siitia pea o le aofai o tagata Niu Sila ua agai ese ma le atunuu ma ua oo atu i le 74,900.
Fai mai le Newshub i le tausaga e faagata ia Fepuari o le tausaga nei, ua maualuga le aofai o tagata e agai ese ma le atunuu ae ua faamauina e 253,200 tagata na taunuu mai i Niu Sila pe a faatusa i le 122,300 na agai ese.
O sitiseni Initia o loo faamauina o le kulupu aupito toatle lea na taunuu mai i Niu Sila, sosoo ai ma tagata mai Filipino, Saina ma tagata Niu Sila lava latou ua toe foi mai.
E lē taumate o se tasi o mafuaaga o le toatele o tagata ua agai ese ma le atunuu o totogi o galuega o loo ofoina mai i isi atunuu e pei o Ausetalia lea ua matele ina ofoina mai ai ponesi o ni vaegatupe tetele e maua e tagata pe afai e agai atu.
Puna o Faamatalaga: https://www.newshub.co.nz/home/new-zealand/2024/04/record-numbers-of-kiwis-leave-new-zealand-as-february-migration-figures-set-another-high.html
