I se sa’ili’iliga a le laulauafono ua faaigoaina o le Council of Trade Unions ua faaalia le tulaga pagātia o loo iai le to’atele o tagata faigaluega, talu ai le taugatā o le soifuaga.
Faamauina i lea sa’ili’iliga mai lea Iuni, e lata i le 60% tagata faigaluega o le atunuu ua faailoa atu ua tauāu ina lē maua le tele o vaega tāua ma masani ai, talu ai le taugatā tele o le soifuaga ua iai; ua lē a’ua’u le faasoa.
O lea pasene ua siitia mai le 50% sa iai i le tausaga talu ai.
Ta’ua e le peresitene o le Council of Trade Unions, Sandra Grey ua vaaia le lē toe mafai ona faia faatau e pei ona masani ai e pei o meaai taumafa, o ofu ma maua se pasese, talu ai le lē lava o totogi a nai tagata faigaluega.
Faaalia foi i faamatalaga i sa’ili’iliga a le iuni, o lea na o latou faamauina ai foi le to’atele o tagata faigaluega aemaise lava i latou e lē o ni sui o le iuni, ua ta’ua, ua silia ma le 5 tausaga e le’i toe faia lava ni siitaga.
Puna o Faamatalaga: https://www.rnz.co.nz/news/national/584458/council-of-trade-unions-survey-shows-incomes-not-keeping-up-with-cost-of-living
