E silia ma le to’a 12 tagata ua lipotia mai na manunua i se faalavelave tau taavale fai mai e tele taavale na aofia ai ae na tulai mai i le M1 Pacific Motorway i Ourimbah.
Fai mai poo le ta o le 9 i le taeao analeila na tupu ai le faalavelave lea ma e to’a 15 na togafitia e le aufaigaluega a taavale a le falemai e aofia ai ma se teineititi na aveina atu foi i le falemai.
E manunua mitimiti le toatele e pei ona maua i lipoti ma o loo faaauau le suesuega i le taimi nei i le mafuaaga o le faalavelave.
E fai si tele o faalavelave tau taavale e tulai mai i le magaala lea aemaise lava i le agai atu i le amataga o le Central Coast i Niu Sa Uelese lava.
