O se lipoti fou ua faalauiloa lona iuga i le vaiaso nei ua ta’ua ai o tamaiti Pasefika ma Maoli o loo maualuga ai le numera o tamaiti e taofia i falemai ona o nisi o faamai e mafai ona alofia e aofia ai ma le fiva rumatika.
O le lipoti lea ua faaigoaina State of Health in Aotearoa NZ mai le Cure Kids ua faalauiloa aloaia i le asō ma ua matilatila mai ai le maualuga o le aofai o tamaiti o loo aafia i tulaga tau le soifua maloloina, health issues.
I le faaaogaina o faamaumauga mai le soifua maloloina i le lipoti lea, ua faailoa ai ni vaega se fā tau le soifua maloloina e pei o le tulaga i le mānava, respiratory conditions, fiva rumatika, gasegase o le fatu ma aafiaga i le pa’u, skin infections ma popolega i le soifua maloloina o le mafaufau.
Ua faailoa i le lipoti o tamaiti Pasefika e faatolu atu taimi e ono taofia ai i le falemai i tulaga ia e pei o le aafiaga i le tino poo le pa’u nai lo tamaiti papalagi.
Fai mai le Komesina mo tamaiti, o Judge Frances Elvers i le lipoti lea, ua alagatatau ona silasila i vaega e tatau ona tuuina ai le lagolago manaomia ma ua tatau ona ave tausiga ia tau le soifua maloloina i aiga auā e tele taimi e matuā faigata ai i aiga ma mātua ona maua se avanoa o se appointment i fomai ae o le isi foi itu o le auaunaga e leai se totogi ae o le agai atu i le auaunaga, o le faafitauli lea.
