E to’atasi le tagata ua faamaonia ua maliu mai lologa i Sini. Ua faitau afe tagata ua leai i fale e nonofo ai mo le taimi nei i totonu o Sini mafua mai i le louloua o le tau ma lologa ua aafia ai.
O le tatafe o vaitafe ua faaleagaina ai le tele o meatotino ma le aafia ai o auala mo femalagaa’iga.
Ua silia ma le 30 afe tagata ua faatonuina e agai ese mai ma o latou fale mo le saogalemu. O le tagata ua maliu na aveesea mai le vai i Paramatta i le aoauli ananafi, na lē manuia taumafaiga e laveaiina ai lona soifua. Ua fautuaina tagata ia toe tolopo tafaoga o le tuua o aoga mo le malupuipuia.
